27
E, K
2557 New Articles

TE TJERA

Shkodër Vijon operacioni antikanabis në të gjithë territorin e Qarkut Shkodër për të parandaluar, evidentuar dhe goditur kultivimin e bimëve narkotike.

Operacioni nga toka dhe ajri, si dhe mbi bazën e informacioneve policore, asgjësohen 361 bimë Cannabis Sativa. Pas një operacioni të mireorganizuar nga shërbimet e Komisariatit të Policisë Vau Dejës, bazuar në informacionet e marra në rrugë operative, dhe monitorimit nga ajri, ku gjatë kontrollit të territorit, në vendin e quajtur "Ngjitur dhe sipër Perroit të Fosekut", në fshatin Kroni i Madh, dhe në vendin e quajtur," Qafa e Erzës", në fshatin Bene, Njësia Administrative Shllak, Vau Dejës u gjetën të kultivuara në një tokë të hapur rishtas në një zonë malore dhe të pyllëzuar, 167 bimë narkotike të llojit Canabis Sativa.

 

Për sa më sipër ka filluar procedimi penal në gjendje të lirë për veprën penale "Moskallzim krimi" parashikuar nga neni 300 i Kodit Penal për shtetasit: Po punohet për identifikimin dhe kapjen e autorit/ve të përfshirë në këtë aktivitet kriminal. Për këtë rast materialet do t'i kalojnë Prokurorisë së Rrethit Gjyqësor Shkodër, për veprën penale "Kultivim i bimëve narkotike" parashikuar nga neni 284 i Kodit Penal. Gjithashtu nga shërbimet e Komisariatit të Policisë Pukë gjatë kontrollit të territorit dhe në bazë të informacioneve policore, në vendin e quajtur "Perroi i Stanit Petokut" në malin e fshatit Srriqe, Njësia Administrative Qafë Mali, Pukë, u gjetën 194 bimë të dyshuara Cannabis Sattiva. Po punohet për identifikimin dhe kapjen e autorit/ve të përfshirë në këtë aktivitet kriminal. Për këtë rast materialet do ti kalojnë Prokurorisë së Rrethit Gjyqësor Pukë për veprën penale "Kultivim i bimëve narkotike" parashikuar nga neni 284 i Kodit Penal. N. M, 30 vjeç, banues në fshatin Kroni i Madh , Njësia Administrative Shllak , Vau i Dejës, me detyrë kryetar i fshatit Kroni i Madh. D. L. 65 vjeç, banues në fshatin Bene , Njësia Administrative Shllak, me detyrë kryetar i fshatit Bene M. L. 26 vjeç, banues në fshatin Gegaj , Njësia Administrative Shllak Vau i Dejës, me detyrë punonjës i pyjores pranë Bashkisë Vau i Dejës

PADITET PENALISHT ADMINISTRATOR I FG SHOES FEHMI GOLEMI

 

Më datë 21.07.2017, u referuan materialet në Prokurorinë e Rrethit Gjyqësor Shkodër, për shtetasen F. G, 66 vjec, banues në Shkodër, administrator në fabrikën e këpucëve “FG Shoes”, sepse ka bërë pagesë më të vogël për 4 punonjës se vlera e përcaktuar në kontratë. Neni 143/2 Kodit Penal

Situata problematike e shkaktuar si pasojë e temepraturave të larta të ditëve të fundit, ose e ndonjë dorë “dashamirëse”, vijon të jetë prezente në qarkun e Shkodrës. Vatra të mëdha zjarresh kanë përfshirë edhe zonat afër qytetit, duke krijuar edhe panik tek banorët ku në disa raste janë rrezikur edhe banesat. Zonat më problematike mbeten ato me sipërfaqe të mëdha shkurrësh, ku flakët të favorizuara edhe nga era e fuqishme, nuk ka kyrsyer pothuajse asgje. Jo  më shumë se 5 km larg qytetit, fshati Bleran ka kaluar orë ankthi gjatë këtyre ditëve. Emergjencat civile bëjnë me dije se zjarri vijon edhe gjatë ditë së martë. Zjarrfikëset dhe forcat e ushtrisë janë duke punuar për të shuar plotësisht zjarrin. Për shkak të kushteve atmosferike ndërhyrja me anë të helikopterit dje ishte e pamundur. Sipas raportimeve të zjarrfikësve zjarri ka djegur rreth 15 ha me shkurre, ferra dhe pisha. Në fshatin Vilëz, Shkodër, forcat zjarrfikëse dhe ato të ushtrisë po punojnë ende për të shuar zjarrin. Flakët kanë rrezikuar disa banesa të fshatit. Terreni dhe era e fortë e kanë vështirësuar së tepërmi punën e zjarrfikësve. Sipas raportimeve të forcave zjarrfikëse zjarri dogji rreth 8 ha me shkurre dhe ferra. Në ndihmë të zjarrfikësve është nisur edhe një helikopter për të ndërhyrë nga ajri. Në fshatin Gruemirë, Malësi e Madhe, ka rënë zjarr në një sipërfaqe me shkurre, hamullore dhe bimë medicinale. Si pasojë e zjarrit u dogj një sipërfaqe rreth 1 ha me shkurre, hamullore dhe Sherebel. Edhe në Draçin të Shkodrës, zjarri ka rënë në kodrat e Tepes duke djegur sipërfaqe të konsiderueshme dhe duke rrezikuar edhe banesat.  Një banesë është djegur sot në fshatin Dardhë në Shosh të Shkodrës. Sipas informacioneve banesa në pronësi të shtetasit Dedë Zef Kosterit është djegur plotësisht. Fatmirësisht me ndërhyrjen e policisë dhe të forcave zjarrfikëse janë shpëtuar tetë anëtarët e familjes. Nuk dihet ende rrethanat si ka rënë zjarri në shtëpi.

 

 

 

Advertisement